பிடித்தமான சட்டையில் டீ கொட்டிவிட்டாலோ, அல்லது குழந்தைகள் பள்ளியிலிருந்து யூனிஃபார்மில் இங்க் (Ink) கறையோடு வந்தாலோ நமக்கு வரும் கோபத்திற்கு அளவே இருக்காது. சோப்பை போட்டு எவ்வளவுதான் தேய்த்தாலும் சில கறைகள் போகவே போகாது.
- 1. மை கறை (Ink Stains)**
துணியில் பேனா மை பட்டுவிட்டால், அதை உடனே தண்ணீரில் நனைக்கக் கூடாது. கறை பட்ட இடத்தில் சிறிதளவு சானிடைசர் (Hand Sanitizer) அல்லது ரப்பிங் ஆல்கஹால் (Rubbing alcohol) ஊற்றி ஒரு காட்டன் துணியால் மெதுவாக ஒத்தி எடுங்கள். மை முழுவதும் அந்த காட்டனில் ஒட்டிக்கொள்ளும்.
- 2. எண்ணெய் அல்லது கிரீஸ் கறை (Oil Stains)**
சாப்பிடும்போது எண்ணெய் துளியோ பட்டுவிட்டால், அந்த இடத்தில் உடனடியாக சிறிதளவு டால்கம் பவுடர் (Talcum powder) அல்லது சாக்பீஸ் தூளை (Chalk powder) தூவி விடுங்கள். 15 நிமிடம் கழித்து பவுடர் முழு எண்ணெயையும் உறிஞ்சியிருக்கும். அதன் பிறகு பிரஷ் வைத்து தேய்த்து கழுவினால் கறை காணாமல் போய்விடும்.
- 3. டீ மற்றும் காபி கறை (Tea/Coffee Stains)**
காபி கொட்டிவிட்டால், அந்த துணியை கழற்றி வெதுவெதுப்பான தண்ணீரில் கொஞ்ச நேரம் ஊற வையுங்கள். பின்பு கறை உள்ள இடத்தில் சிறிதளவு வினிகர் (White Vinegar) மற்றும் பேக்கிங் சோடா (Baking soda) கலந்து தடவி 10 நிமிடம் கழித்து துவைத்தால் துணி பளிச்சென்று மாறிவிடும்.
- 4. சட்டையின் காலர் அழுக்கு (Sweat & Collar Stains)**
வெள்ளை சட்டைகளின் காலர் மற்றும் அக்குள் பகுதியில் மஞ்சள் நிறத்தில் படிந்திருக்கும் அழுக்கு சுலபமாக போகாது. இதற்கு எலுமிச்சை சாறு மிகச்சிறந்த தீர்வு. கறை உள்ள இடத்தில் எலுமிச்சை சாற்றை பிழிந்து, சிறிதளவு உப்பு சேர்த்து நன்றாக தேய்த்து அரை மணி நேரம் வெயிலில் காய வைத்து பின்பு துவைக்கவும்.
குறிப்பு: கறை பட்டவுடன் எவ்வளவு சீக்கிரம் அதை சுத்தம் செய்கிறோமோ, அவ்வளவு எளிதாக அது நீங்கிவிடும்.
