தலைமுடி உதிர்வதை தடுக்க நம் வீட்டில் இருக்கும் இயற்கையான பொருட்கள்

தலைமுடி கொட்டுவது என்பது இன்றைய இளைஞர்கள் மற்றும் இளம் பெண்களின் மிகப்பெரிய கவலை. மாசு, தூக்கம் இன்மை மற்றும் வேதிப்பொருள் கலந்த ஷாம்பூக்கள் முடி உதிர்வுக்கு முக்கியக் காரணம்.

1. கறிவேப்பிலை எண்ணெய் சுத்தமான தேங்காய் எண்ணெயைக் காய்ச்சி, அதில் கைப்பிடி கறிவேப்பிலை சேர்த்து நன்கு காய்ச்சி ஆறவைத்து, தலையில் தேய்த்து மசாஜ் செய்யுங்கள். இது முடியின் கருமை மற்றும் அடர்த்தியை அதிகரிக்கும்.

2. கற்றாழை (Aloe Vera) கற்றாழை ஜெல்லில் உள்ள என்சைம்கள் முடியின் வேர்க்கால்களைச் சுத்தம் செய்து வலுப்படுத்தும். வாரம் ஒருமுறை இதைத் தலையில் தேய்த்துக் குளியுங்கள்.

3. வெங்காயச் சாறு வெங்காயத்தில் உள்ள சல்பர் புதிய முடி வளர்ச்சியைத் தூண்டும். வெங்காயத்தை அரைத்துச் சாறு எடுத்து, முடி உதிரும் இடங்களில் தேய்த்து 20 நிமிடம் கழித்து அலசுங்கள்.

4. வெந்தயம் (Fenugreek) வெந்தயத்தை முந்தைய நாள் இரவு ஊறவைத்து, மறுநாள் காலை அரைத்துத் தலையில் தேய்த்து 30 நிமிடம் ஊறவைத்துக் குளியுங்கள்.