இன்றைய டிஜிட்டல் உலகில் பேஸ்புக், நெட்ஃபிளிக்ஸ், பேங்க் அக்கவுண்ட் என எல்லாவற்றிற்கும் பாஸ்வேர்டு (Password) கட்டாயம் தேவை. ஆனால் அத்தனை பாஸ்வேர்டுகளையும் ஞாபகம் வைப்பது சாத்தியமே இல்லை.
**ஆண்ட்ராய்டு (Android) போன்களில் எப்படி கண்டுபிடிப்பது?** உங்கள் மொபைலில் உள்ள கூகுள் கணக்கு (Google Account) உங்கள் பாஸ்வேர்டுகளை பாதுகாப்பாக சேமித்து வைக்கிறது.
- 1. உங்கள் போனில் Settings ஓபன் செய்யுங்கள்.
- 2. கீழே ஸ்க்ரோல் செய்து Google என்ற ஆப்ஷனை க்ளிக் செய்யவும்.
- 3. அதில் Autofill என்பதைத் தேர்ந்தெடுத்து, Autofill with Google-ஐ க்ளிக் செய்யுங்கள்.
- 4. இப்போது Passwords அல்லது Google Password Manager என்று ஒரு ஆப்ஷன் இருக்கும். அதை க்ளிக் செய்தால், நீங்கள் இதுவரை லாக்-இன் செய்த அத்தனை ஆப்கள் மற்றும் வெப்சைட்களின் லிஸ்ட் வரும்.
- 5. உதாரணத்திற்கு Facebook-ஐ க்ளிக் செய்தால், உங்கள் போனின் ஸ்க்ரீன் லாக் (Fingerprint/PIN) கேட்கும். அதை கொடுத்தவுடன் உங்களின் பழைய பாஸ்வேர்டு என்ன என்பதை கண் (Eye) ஐகானை க்ளிக் செய்து பார்த்துக்கொள்ளலாம்.
**ஐபோன் (iPhone / iOS) பயன்படுத்துபவர்களா?** Apple நிறுவனம் பாஸ்வேர்டுகளை பாதுகாக்க “Keychain” என்ற பாதுகாப்பான முறையை பயன்படுத்துகிறது.
- 1. ஐபோனில் Settings செல்லுங்கள்.
- 2. சற்று கீழே ஸ்க்ரோல் செய்தால் Passwords என்ற ஆப்ஷன் இருக்கும். அதை க்ளிக் செய்யுங்கள்.
- 3. உங்கள் Face ID அல்லது Touch ID மூலம் உள்ளே சென்றால், நீங்கள் சேவ் செய்த அத்தனை யூசர் ஐடி மற்றும் பாஸ்வேர்டுகளையும் மிக எளிதாகப் பார்க்க முடியும்.
**ஒரு சின்ன எச்சரிக்கை:** இந்த வசதி மிகவும் பாதுகாப்பானதுதான். ஆனால், உங்கள் போனின் ஸ்க்ரீன் லாக் பாஸ்வேர்டு (Screen Lock PIN) வேறு யாருக்காவது தெரிந்தால், அவர்களும் எளிதாக உங்கள் சோஷியல் மீடியா பாஸ்வேர்டுகளை திருட வாய்ப்புள்ளது. எனவே, மொபைல் பாஸ்வேர்டை பாதுகாப்பாக வைத்திருங்கள்!
